Идејата за блогот

Откако знам за себе, од секогаш ме интересирала храната и нејзините својства, негување на телото и умот како и стремење кон најдобрата верзија од себе. Добриот живот бара баланс а она што јас го сакам е да најдам баланс во сите аспекти на мојот живот како луѓето кои ми значат, мојата професија, моите хоби и интереси. Сакам да бидам што попрофесионална во својата работа како професор, да се надоградувам секојдневно, да учам од грешките а со тоа и да се подобрувам, да го дадам најдоброто за моите ученици. Сакам да им посветам на луѓето за кои навистина ми е грижа нешто што е луксуз на денешно време а тоа е внимание и време. Сакам да ги негувам моите таленти, интереси и хобија. Сакам да цртам, да креирам, измислувам... И секако, сакам да се грижам за своето тело, ум и душа, затоа што животот е полесен ако се тие добро негувани.😉

Сето ова не е лесна работа. Да не ги споменувам сите обврски во меѓувреме што ги имаме како луѓе, како што се обврските по дома, грижа за возилото, миленичињата, дворот...(само набројувам) и сите евентуални пречки кон тој стремеж како социјалните, економските или проблеми со здравјето. Така, балансирањето значи бара голем труд, а јас сакам да ги споделам моите искуства во врска со тоа. Па, повелете...😁